Ginpakigbahin ni Charo Santos ang experience sini bilang co-host sadto ni German Moreno sang 1979 kun sa diin ginahatagan lamang siya sang chicharon bilang talent fee.
Suno diri, siya ang una nga co-host ni the late German Moreno sa programa sini nga Germspesyal.
Suno sa aktres, kada Dominggo sang aga, magka-upod sila ni Moreno sa pagtrabaho kag sadto wala pa sang ginahatag nga talent fee.
Ini ang nakabulig sa iya agud ma-ensayo ang iya kaugalingon nga mangin self-reliant kag mangin independent.
Pahayag ni Santos, matapos ang show ginahatagan ini sang isa ka basket sang chicharon nga amo na ang talent fee sini.
Apang, nangin malipayon naman ini bilang co-host sang Germspesyal bisan chicharon lang ang ginabayad sa iya sadto bangod madamo ini sang natun-an.
Apang, matapos ang tatlo ka bulan, ginhatagan si Santos sang gamay nga balor sang kwarta nga amo na ang talent fee sini.
Nagdaog si Santos bilang best actress sa 1977 Asian Film Festival sa pelikula sini nga ‘Itim’ antes siya nagpartisipar sa programa ni Moreno.
Suno kay Santos, nakadaog na ini sang isa ka best actress apang nagaduha-duha sa pagpili sa pagpursue sa acting ukon hosting career.
