Nangin madinalag-on ang ginpatigayon nga Chemical, Biological, Radiological, and Nuclear (CBRN) Simulation Exercise sa Bacolod City Police Office kaina sang aga.
Ini ang gintambungan nanday PBGen Albert Magno, cheif, Philippine National Police – Explosive Ordnance Disposal and Canine Group; PBGen Arnold Thomas Ibay, Regional director sang Regional Office (PRO) in Negros Island Region (NIR); Fire Chief Superintendent Rodolfo Denaga, Regional director sang Bureau of Fire Protection NIR; kag Fire Chief Superintendent Renato Capuz, chief sang Special Rescue Force, Bureau of Fire Protection National Headquarters.
Ginre-enact nga may yara sang duha ka pulis nga ginhostage kun sa diin may yara sang ginpangayo nga ransom money.
Sa operasyon may naatukiban nga may yara sang explosive device kag amo naman nga ginhimo sang EOD ang ila trabaho.
Suno kay Department of the Interior and Local Government -Bacolod City Director Christian Nagaynay, ang Simulation Exercise nagapakita kuno ang kapasidad sang kapulisan pananglitan nga may matabo nga kaangay nga sitwasyon.
Suno diri, makit man diri kun paano i-address ang ini nga mga sitwasyon kag kun ano ang kakulangan sang mga concerned agencies kasubong man kun ano ang mga kinahanglan pa nga iimprove.
