WHITE HOUSE -Gin-ako sang director sang National Institute of Allergy and Infectious Diseases sang America nga tuman pa ka seryoso ang COVID situation sa Estados Unidos.
Sa press briefing sa White House kaina sang aga matapos ginpirmahan ni US President Joe Biden ang mga executive orders angot sa pag-addresss sa COVID situation, ginpahayag ni Dr. Anthony Fauci nga makasaysayan ang pagkapatay sang masobra 400 mil ka mga Americano apang indi ini naman ini maayo nga sahi sang kasaysayan.
Ginalantaw naman sini nga naga-plateau ukon nagakanay-kanay ang bag-o nga mga kaso sang COVID sa tinalikdan nga mga inadlaw kag ginalauman nga magtayuyon ang pagnubo sini.
Ang briefing ni Fauci ang ginpatigayon matapos ginlunsyar ni Biden ang national strategy agud nga batuan ang coronaviurus pandemic nga ginalakipan sang madamo nga executive actions angot sa vaccination kag testing sa paglaom nga magkambyo ang direksyon sang response sang federal government sa pandemya.
Ini ang ginalakipan sang pagtukod sang pandemic testing board, pagpasiguro nga hilway ang mga workers kag pagpasangkad sang access sa care and treatment para sa coronavirus.
Isa pa gid ka order amo ang pagpromote sang safe travel padulong sa America kun sa diin may yara sang tukuron nga testing board.
Gin-athag man ni Fauci nga indi na siya magsabat sa mga pamangkot angot sa coronavirus pandemic bangud indi niya luyag nga magpakot-pakot lang.
Suno diri, isa ini sa bag-o nga mga butang nga ipatuman sang Biden administration.
Gin-athag man ni Fauci nga indi man malain ang tanan nga mga ideya sa tinalikdan nga administrasyon kundi sarang pa man magamit ang mga ini kag pasanyugon lang.
