UKRAINE – Gin-akusaran ni Ukraine President Volodymyr Zelensky ang Russia sa pagbuhat sang “genocide” matapos ang pahayag sang mga opisyal nga ginbomba sang Russian aircraft ang children’s hospital kun sa diin madamo nga mga pasyente ang natampukan sa nawasak na building, apisar pa sa ceasefire deal nga ngaapahanugot sa paggwa sang mga pumuluyo sa gina-atake nga syudad sang Mariupol.
Ang pag-atake nga gina-alegar nakatuga sang kahalitan sa nagalabour nga babayi kag nagbilin sa mga kabataan sa makasilidhi nga sitwasyon ang isa sa pinakamalala nga insidente sa 14 ka adlaw na nga invasion, nga makabig pinakadako nga pag-atake sa European state humalin sang 1945.
Pahayag sang Mariupol City Council nga ang ospital ang gin-igo sang makapila ka beses nga ginatawag sang White House nga barbaric nga paggamit sang pwersa sang militar nga naga-atake sa mga inosente nga sibilyan.
Ang pag-atake ang natabo bisan pa nga nagpledge ang Russia nga untaton ang pag-atake agud nga ang mga natrap nga mga sibilyan ang mahimo pa nga maka-evacuate, kun sa diin ginatos ka libo ang nagapanago sa shelter samtang wala sang tubig kag power supply sa sulod na sang masobra isa ka semana.
Pamangkot naman ni Zelensky kun ano nga sahi nga pungsod ang Russian Federation nga nahadlok ang mga ini sa mga ospital gani ini ang ila nga gina-atake.
Liwat naman nga nagpanawagan sa West si Zelensky nga hugton pa ang sanctions sa Russia, agud nga ang mga ini ang magpungko nalang sa negotiating table kag tapuson na ang brutal nga gyera.
Pahayag sini nga ang pagpangbomba sang children’s hospital ang pamatuod nga nagakatabo ang genocide sa mga Ukranians.
RUSSIA – Ginpanindugan sang Russia nga ang alegasyon sang Ukraine nga ginbomba sang mga ini ang children’s hospital sa Mariupol ang “Fake News” bangod ang nasambit nga building ang anay maternity hospital nga madugay na nga natake-over sang mga suldado.
Suno kay Dmitry Polyanskiy, first deputy permanent representative sang Russia sa United Nations, nga ini ang paagi sa pagpagwa sang fake news.
Pahayag ni Polyanskiy nga naghatag na sang paandam ang Russia sang Marso 7 nga ang ospital ang ginhimo na nga military object kun sa diin ang mga Ukrainians nagapatigayon sang pag-atake.
