Ginpahayag sang maritime expert nga nagpatigayon sang brief intrusive patrol” malapit sa Scarborough Shoal ang China Coast Guard 5901 nga kilala bilang “The Monster,” ang pinakadako nga barko sang coast guard sa bug-os nga kalibutan.
Ginpahayag ni US Air Force official and ex-Defence Attaché Ray Powell sa X ang anay Twitter, masobra 24 oras na ang nakaligad ang pinakadako nga barko sang coast guard sa bug-os nga kalibutan ukon ang 165-meter China Coast Guard 5901, kaupod ang 102-meter CCG 5203,ang nagpatigayon sang malip-ot nga intrusive patrol malapit sa Scarborough Shoal.
Ginkumpirmar man ini ni Philippine Navy spokesperson for the West Philippine Sea (WPS) Commodore Roy Trinidad nga ang “The Monster” ang nasiplatan sa 50 nautical miles gikan sa Scarborough Shoal kaina sang aga.
Suno kay Trinidad ang tikang nga pagahimuon ukon ang pagresponde sa natabo ang nakadepende na sa NTF ukon National Task Force West Philippine Sea Level kag ang barko ang ginapanag-iyahan sang China.
Suno diri may yara sang nagakaigo nga tikang para diri gikan sa NTF ukon sa Philippine Coast Guard.
Ang Scarborough Shoal, nga ginataw Bajo de Masinloc ukon Panatag Shoal, ang nahamtang sa sulod sang exclusive economic zone sang Pilipinas.
