Ginpahayag ni Defense Secretary Gilberto Teodoro nga ginapasanyog sang China ang pagpressure sa Pilipinas nga magconcede sa sovereign rights sini sa West Philippines Sea.
Ang pagpakigkita ni Teodoro sa Australian counterpart sini sa Canberra, ikalima nga meeting humalin Agosto 2023, ang nagareflect sang nagasaka nga security ties sa tunga sang duha ka pungsod, nga lunsay nagpabutyag sang concern natuhoy sa Chinese activity sa areas sa West Philippines Sea.
Suno kay Teodoro, ang ila nagakakit-an amu ang nagasaka nga demand sang Beijing nga magconcede ang Pilipinas sa kinamatarong sini sa area.
Ang duha ka nasyon ang nagperma sang isa ka strategic partnership sang Setyembre 2023 kag nagpatigayon sang ila labing una nga sea kag air patrols sa West Philippine Sea matapos ang pila ka bulan.
Sa labing una nga kahigayunan, nakigbahin man ang Pilipinas sa war games sa Australia subong nga tuig.
