Ginpahayag sang China nga malipayon ini nga makit-an ang Estados Unidos kag Russia nga mas ginapakusog pa ang ila mga komunikasyon matapos ginpahayag ni US President Donald Trump nga ginalauman sini nga makaistorya ang iya Russian counterpart para sa Ukraine peace talks.
Suno kay Trump, may yara ini sang malawig kag tuman ka productive nga call kaupod si Putin sang Miyerkules, ang ila labing una nga confirmed contact humalin sang pagbalik sang US president sa opisina kag nagkasugot nga gilayon nga suguran ang negosasyon agud matapos na ang gyera.
Suno kay foreign ministry spokesman Guo Jiakun, ang Russia kag Estados Unidos ang lunsay dalagko kag influential nga mga pungsod kag malipayon ang China nga makit-an ang Russia kag ang Amerika nga mas ginapasanyog pa ang komunikasyon kag pagdialogue sa asod-asod nga mga international issues.
