Nagdonar ang China sang 200,000 dollars ukon P10.2 million sa Pilipinas agud suportahan ang mga relief operations sang pungsod sa paglaslas ni Tropical Storm Agaton suno kay Ambassador Huang Xilian.
Suno kay Xilian, ang ila tagipusuon ang nagaunong sa tanan nga Filipino nga naapektuhan sang Bagyo Agaton.
Suno sa iya, nagpadala sang ila mga mensahe sang simpatiya kag solidaridad kay Presidente Rodrigo Duterte kag Foreign Secretary Teodoro Locsin sanday Chinese President Xi Jinping kag State Councilor and Foreign Minister Wang Yi.
Gindugang man sang envoy nga nagalaom ang Chinese government nga malampuwasan sang mga pamilya nga naapektuhan sang bagyo ang mga kabudlayan nga gintuga sang kalamidad.
Una na nga ginreport sang National Disaster Risk Reduction and Management Council (NDRRMC) nga yara na sa indi magnubo 172 ang death toll sa paglaslas ni Typhoon Agaton.
Sa nasambit nga fatalities, 156 ang nagikan sa Eastern Visayas, 11 sa Western Visayas, tatlo sa Davao kag duha sa Central Visayas.
Yara naman sa 110 ang padayon pa sa karun nga ginapangita.
