Nagprotesta ang China paagi sa diplomatic channels nga may kaangtanan sa presensiya sang barko sang Philippine Coast Guard nga BRP Teresa Magbanua sa Sabina shoal apisar nga kabahin pa ini sang exclusive economic zone sang Pilipinas.
Sa isa ka statement, gin-emphasize sang Chinese Foreign Ministry nga wala sang anuman nga pahanugot ang pagsulod sang barko sang Philippine Coast Guard sa lagoon sang Sabina shoal.
Dugang pa sini nga ang pagpabilin sang PCG vessel sang madugay sa lugar ang seryoso nga paglapas sa soberaniya sang China kasubong man ginalapas man sini ang Declaration on the Conduct of Parties sa disputed waters kag nangin pamahog man sa kalinong kag seguridad sang lugar.
Kaangot sini, ginaengganyo sang China ang Pilipinas nga untaton na ang gina-alegar nga infringement activities sini kag pahalinon ang BRP Teresa Magbanua sa shoal.
Ang Sabina shoal ang nalakip sa EEZ sang Pilipinas gani may yara sang kinamatarong nga maglayag kag diskubrehon ang mga resources sa lugar kag responsable nga ipreserve kag amligan ang mga ini santo sa United Nations Convention on the Law of the Sea (UNCLOS).
