Nagtambong ang mga miyembro sang diplomatic corps lakip na si Chinese ambassador Huang Xilian sa isa ka event nga ginpangunahan ni First Lady Liza Marcos sa Philippine International Convention Center (PICC) sa Pasay City.
87 ka mga talentado nga mga Filipino craftsmen kag designers nagikan sa nagkalain-lain nga bahin sang pungsod ang nagtipon sa “Likha 3” agud mabuligan ang mga ini nga makaangkon sang access sa potential markets kasubong man nga mapromote ang Filipino culture kag tradition.
Sa event, nakit-an ang Chinese ambassador nga naga-greet kay First Lady Marcos sang nagpalapit ini sa mga miyembro sang diplomatic community.
Suno kay Huang, nagbakal ini sang pila ka mga produkto nagikan sa Zamboanga, ang lugar kun sa diin nagatrade ang mga Chinese sa Pilipinas sadto.
Ginkumpirmar man sini nga iya ginpahibalo ang First Lady natuhoy sa iya ginbakal kag proud diri si Marcos.
Sang ginpamangkot ini natuhoy sa iban nga mga butang, nagpahayag si Huang nga indi lamang sini luyag nga magsabat bangud luyag lamang sini nga i-enjoy ang craft sa area.
Sa bahin naman sang First Lady, ginlikawan lamang sini ang mga pamangkot natuhoy sa iya madasig nga encounter sa Chinese envoy.
Ang attendance ni Chinese ambassador Huang sa event ang kadungan sang nagasaka nga tensyon sa West Philippine Sea matapos ang nagliligad nga mga engkwentro sa tunga sang mga barko sang Chinese kag Pilipinas.
