Naggamit sang long range acoustic device (LRAD) ang isa ka Chinese Coast Guard (CCG) vessel nga nagalayag sa kadagatan sang Zambales sa West Philippine Sea, agud liwat na iharras ang Philippine Coast Guard (PCG).
Suno sa PCG, ini ang una nga kahigayunan nga ang CCG-3103, nga nagbulos sa CCG-3304 sa pagbuhat sang ilegal nga pagpatrolya, ang naggamit sang LRAD batok sa 54-meter vessel BRP Cabra sang PCG, nga nagaprotekta sa Zambales coastline.
Sa paglaragway sang mga crew members, ang LRAD ang isa ka device nga nagaproduce sang mataas nga decibel levels nga makadamage sang pamatin-an.
Dugang pa sang PCG nga ang CCG-3103 ang kaangay nga gina-escort sang CCG-5901, nga mas kilala bilang “Monster Ship.”
Suno kay PCG spokesperson for the West Philippine Sea (WPS) Commodore Jay Tarriela, napaatras nila ang Chinese Coast Guard sang kapin 90 tubtob 95 nautical miles gikan sa baybayon sang Zambales.
Apang ini ang sulod gihapon sa 200-nautical-mile exclusive economic zone sang Pilipinas.
