Gin-anunsyar ni Bacolod City Mayor Albee Benitez nga may isa ka Chinese company ang magatukod sang railway sa Bacolod City.
Sa press conference nga ginpatigayon sini kaina sang aga, madamo ini sang nakilala nga Chinese companies nga luyag nga maginvest ang kinahanglan lamang matumod kun ano ang kinahang sang mga ini kag kun ano ang maoffer sang syudad.
Suno kay Benitez, ginhambalan na sini ang city council nga magpangita sang investments nga ang kwarta nagapabilin nga magalibot sa syudad indi kaangay sang iban nga investments kaangay lamang sang malls nga sa una lamang ang ginakita nga kwarta apang sa ulihi ang ginakita nga kwarta nagikan sa mga rentals nga mahimo nga dal-on sa iban nga lugar para sa mall developments.
Suno kay Benitez may naestorya siya nga isa ka CEO sang kumpanya nga luyag mag-invest sa syudad.
Isa diri ang railway investment nga madamo sang mga makabenepisyo indi lang pasahero kun kalakip na ang mga cargoes.
Ginpahayag sini nga natalana nga magakadto sa syudad ang CEO sang kumpaniya sa madason nga bulan agud maestoryahan ang investment.
