Gin-ban for life sang Philippine Airlines ang isa ka Chinese business class nga pasahero halin sa Melbourne, Australia nga may connecting flight padulong sa Hong Kong matapos nga nadakpan ini sang mga PAL pursuers nga nagapanigarilyo samtang nagabiyahe.
Ang Chineses ang gin-hold sang PAL kag mga kapulisan sa Ninoy Aquino International Airport (NAIA) Terminal sa pag-abot sang PAL flight PR 306.
Ang Chinese passenger nga ginkilala kay Zhong Yongqin, 64, ang nagabiyahe upod sa iya apo nga babaye.
Suno sa kay PAL pursuer Ma. Antoinette Juan, ginpunggan nila si Zhong sa pagpanigarilyo matapos nga ini ang magsindi gamit ang butane lighter.
Ginpamangkot man sang mga otoridad sang airport kun paano sang Chinese ginpalusot ang iya lighter sa mga security screener sa Melbourne airport.
Si Zhong ang gin ban sa pagsakay sa bisan ano nga PAL international kag domestic flights sa bug-os niya nga kabuhi.
Ginpahayag ni CAAP spokesperson Eric Apolonio nga sa idalom sang Republic Act 9497 ukon CAAP Law kag RA 8749 ukon Clean Air Act, ginadumilian ang pagpanigarilyo sa sulod sang eroplano, lakip na ang vapes ukon electronic cigarettes.
Ginpasugtan ang pasahero nga makagwa sa NAIA matapos nga nagbakal ini sang isa pa ka airline ticket padulong sa Hong Kong.
