Isa ka Chinese national nga ginabanta naga-edad 40-anyos ang na-intercept sang Coast Guard Northern Negros Occidental kahapon sang aga, Abril 28, sa EB Magalona Port matapos wala sang may mapakita nga dokumento ukon identification card.
Sa interview sang Bombo Radyo Bacolod kay Lieutenant Junior Grade Ronnielyn Lapitan, spokesperson sang Coast Guard substation EB Magalona, ang Chinese national ang halin sa nasambit nga banwa kag malusot kuntani sa Ahoy, Ilo-ilo.
Bangud suno diri, plano sini nga bisitahon ang iya nobya sa Boracay, Aklan.
Suno kay Lapitan, wala ini sang dala bisan isa ka gamit magluwas sa toothbrush nga yara sa iya bulsa.
Dugang pa, inconsistent man ini sa iya mga sabat kun pamangkuton.
Natukiban nga ini ang “overstaying” na bangud ginpahayag ni Lapitan nga ini ang nagsulod sa pungsod sang 2018 pa kag wala na sang “point of exit” kun sa diin ginalantaw nga isa ka redflag.
Sa karon, ang foreigner ang yara sa kustodiya sang Coast Guard substation EB Magalona, kag natalana nga i-turn over sa Bureau of Immigration.
