Nagpatigayon sang pagpatrolya ang Chinese naval kag air forces sa palibot sang flashpoint reef sa West Philippine Sea kahapon matapos ang pila ka mga engkwentro sa Pilipinas sa ginaagawan nga kadagatan sa nakaligad nga mga binulan.
Gindungan ang pagpatrolya sa ginpatigayon nga joint exercises sang United States, Australia, Japan, New Zealand kag Pilipinas sa exclusive economic zone sang pungsod.
Ginaangkon sang China ang kabug-usan sang West Philippine Sea.
Kalakip sa mga ginaangkon sang China amo ang Scarborough Shoal, nga ginkuha sang Beijing sa pungsod sadtong 2012 kun sa diin ginapahayag sang Southern Theater Command sang militar sang China nga sa nasambit nga lugar sila nagapatigayon sang air kag sea patrols.
Suno sa China, kalakip sa ila nga ginahimo sa nasambit nga shoal ang “reconnaissance, early warning, air kag sea patrols.
