Ginsorpresa ni Neri Naig ang iya bana nga si Chito Miranda sang isa ka yate kadungan sang pagselebrar sini sang iya kaadlawan.
Sa Instagram, nagpost si Neri sang litrato sang yate sa sulod kag sa gwa sini.
Sa caption, gingreet sini sang maayo nga kaadlawan ang bana kag ginpakigbahin ang iya surpresa.
Gindugang man sini nga may bag-o na sila nga yate, nga daw kaangay sang dako nga speedboat apang may yara sang bedroom, mini sala kag banyo.
Suno kay Neri, maayo gid ini nga himuon nga tambayan kaupod ang ila pamilya kag abyan kag manami man gamiton magfishing, nga amu ang hilig nila sang bana.
Ginpangalanan sini nga “Margarita” ang yate, nga amu man kuntani ang iya luyag ipangalan sa iya bata kun nangin babaye ini.
Suno sa iya, pagaparentahan sini ang yate magdugay kag sarang man nga magtinir sa ila beach condo ang mga luyag magbakasyon.
Suno diri, wala pa sila sang jetski apang iya ini ginasuptan sa karun.
