Nakabaton sang Pillar of dance award sa Masskara Festival 2024 ang kilala nga choreographer sa ciudad sang Bacolod nga nagpartisipar sa festival sa sulod sang 34 ka tuig na.
Sa interview sang Bombo Radyo kay Segundo ‘Panoy’ Cabalcar, nag-umpisa ini sa pag-intra sa Masskara Festival dance competition sang 1989 kag tubtob sa karun padayon ini sa gihapon sa pagtudlo kag pagbulig sa nagkalain-lain nga mga brgy sa ciudad.
Suno diri, tuman ang pagsanyog sang Masskara Festival kun sa diin ang ciudad sang Bacolod ang ginkilala na sa bilog nga Pilipinas kag sa luwas sang pungsod.
Apang, suno kay Cabalcar, nagapabilin sa gihapon ang essence sang Masskara bisan pa nga nag-evolve na ini basta yara lamang permi ang yuhum sang tawo.
Sa karun, suno diri dako ang iya kalipay nga makita ang iya mga estudyante sadto nga isa naman sa karun ka choreographer sa mga dance competition.
