Nagapati ang pinuno sang Commission on Human Rights Negros Occidental nga extrajudicial killing ang sunod-sunod nga pagpatay sa ciudad sang Bacolod kag pila ka parte sang probinsya.
Sa interview sang Bombo Radyo kay CHR head Romeo Baldevarona, nagapati ini nga out of court killing ang mga makahalanusbo nga insidente sang pagpatay sa ciudad kun sa diin unidentified riding-in-tandem suspects ang responsable diri.
Suno kay Baldevarona, nagapati ini nga may yara sang grupo sa probinsiya nga nagapatigayon sang pagpatay.
Gindugang niya man nga may impormasyon nga may yara pa gid sang duha ka mga negosyante nga nakatalana nga patyon.
Apang ginpaathag sang pinuno nga wala siya nagasiling nga ang mga state forces ang nagahimo sini.
Suno sa iya, ang nagakalatabo nga mga insidente ang nagabutang sang kahadlok sa mga negosyante kag mga inosente nga mga tawo sa ciudad.
Gani nagpanghangkat ini sa mga otoridad nga ubrahon ang ila nga responsibilidad agud nga masolbar ang krimen.
