Wala nagakomporme si Commission on Human Rights (CHR)-Negros Occidental head Romeo Baldevarona sa pahayag ni Philippine National Police (PNP) chief P/Gen. Debold Sinas nga wala sini gina-suggest ang pagkuha sang litrato ukon video sa tion sang krimen kaangay nalang sang patal nga pagpaniro sa Paniqui, Tarlac nga nagkuha sang kabuhi sang mag-iloy.
Madumduman nga nakuhaan sang video ang brutal nga pagpatay ni P/Senior Master Sgt. Jonel Nuezca kanday Sonya kag Frank Anthony Gregorio kun sa diin gin-ulan ini sang pagpakamalaot matapos naglapta sa social media.
Sa interview sang Bombo Radyo Bacolod kay Baldevarona, ginpahayag sini nga posible nagahatag lang sang paandam ukon warning si Sinas nga kun magkuha sang video bilang pamatuod, magdoble halong gid agud nga indi maulamid sa sitwasyon.
Gin-athag sini nga ang video ang tuman ka supisyente nga ebidensya bangud nga mapakita gid sini ang natabo.
Magluwas dira, makabulig gid ang video sa kapulisan kag sa prosecution agud nga indi na sila mabudlayan sa case build-up.
