Ginpatigayon kagab-i ang Lights on sang ciudad sang Bacolod sa Bacolod City Government Center kadungan sa Christmas Festival of Lights 2023 Parade sang STI- West Negros University.
Kahapon kapin alas 5:30 sang hapon nagpatigayon sang parade of lights kun sa diin nagkalin-lain nga mga floats ang nagparada sa dalan.
Yara nagtambong si Bacolod City Mayor Alfredo Albee Benitez, Congressman Greg Gasataya kag mga City Councilors kag Bacolod SK Federation president Danna Marie Cuaycong Barzo.
Samtang sa tunga-tunga sang event, nagbubo ang ulan apang wala ini nakapugong sa mga participants kag tumalan-aw.
Sa ginpatigayon nga float parade, nagdaog ang team Orange Eradites sa best in float parade kasubong man nga sila ang nangin champion sa best in performance.
Nangin matawhay naman ang ginpatigayon nga event sa bulig man sang Bacolod City Police Office sa pagsiguro sang safety sang tanan.
