Patigayunon na sini nga gab-i ang switch-on sang mga Christmas lights sa Bacolod Public Plaza.
Suno kay Councilor Israel Salanga, chairman sang Committee on Tourism sa Sangguniang Panlungsod, ang mga Christmas decorations ang kabahin sang programa sang ciudad nga Paskwa sa Plaza.
Nahibaluan nga may yara sang mga pribado nga kompaniya nga nag-sponsor sang Christmas decorations sa plaza.
Magluwas sa Christmas lights, may mga rides man kag magapatigayon sang entertainment progrmas lakip na ang mga banda kada gab-i, sini nga bug-os nga bulan sang Disyembre.
Sa idalom sang Paskwa sa Plaza, ginpahanugutan ang mga sidewalk vendors nga makabalik sa pagbaligya sa downtown area, nga una na ginpahalin bangud sang clearing operations sang Department of the Interior and Local Government (DILG), tubtob sa Enero 6, 2020.
Apang antes pa man ang switch-on, magapatigayon anay sang parada para sa Bacolod Christmas Festival of Lights.
Ang parada sang mga dalagkuan nga Christmas decorations ang orihinal nga programa sang STI-West Negros University, apang sang nagligad nga duha katuig nagpasar sang ordinansa nga gin-author ni anay Councilor Em Ang nga ginhimuon ini nga iya na sang ciudad sang Bacolod.
Alas-5:00 sini nga hapon nagsugod ang parada sa Bar 21 sa Lacson St.
Magatambong sa switch-on ceremony sanday Mayor Evelio Leonardia, Vice Mayor El Cid Familiaran, Bacolod Lone District Congressman Greg Gasataya, city councilors, mga opisyal kag estudyante sang STI-West Negros University kag Department of Education (DepEd) officials.
