Nagpanawagan si Pope Francis sa iya Christmas message sang Miyerkules sang paghinun-anon sa tunga sang Ukraine kag Russia agud matapos na ang gyera matapos ang full-scale invasion sang Moscow duha ka tuig na ang nakaligad kag nagpatay sa linibo.
Sa iya Christmas Day “Urbi et Orbi” (to the city and world) address, direkta nga ginmensyunar ni Francis ang konflikto sa Ukraine kag nagpanawagan sang boldness nga kinahanglanon agud mabuksan ang pwertahan padulong sa negosasyon.
Suno sa Santo Papa, kuntani mapahipos ang huni sang mga armas sa Ukraine kag nagpanawagan man sang gestures sang paghinun-anon kag encounter agud malab-ot ang isa ka patas kag nagadugay nga kalinong.
Si Francis, nga nagaserbi bilang Santo Papa humalin 2013, ang gincriticize sang Ukrainian officials subong nga tuig sang iya ginpahayag nga dapat makaangkon sang kaisog sang “white flag” agud mag-negotiate para matapos na ang gyera sa Russia.
