Nagdangat sa kabug-usan nga P2.12 million ang nagamit para sa reward payment santo sa mga acknowledgement receipt nga ginpresentar sang prosekusyon sa Impeachment trial ni Vice President Sara Duterte.
Sa liwat nga pagtindog sa witness stand, ginpahayag ni COA Intelligence and Confidential Funds Audit Office (COA-ICFAO) auditor Xylene del Campo nga kalakip sa pila ka mga aktibidad nga nalista nga ‘confidential expenses’ sang opisina ni Vice President Sara Duterte amo ang tree-planting activities, wheelchair distribution, kag Christmas parties.
Suno kay Del Campo ang nasambit nga mga aktibidad ang wala ginapahanugutan sa idalom sang joint circular nga nagaplastar sang guidelines sa paggamit sang confidential funds.
Ang direct examination ni Private Prosecutor Lorna Kapunan sa COA Auditor ang nagfocus naman sa mga aktibidad sang Office of the Vice President (OVP) kag Department of Education nga ginlakip sa liquiated reports sa paggamit sang confidential funds humalin sang Disyembre 2022.
Sang ginkwestyon ni Kapunan ang nahanungod sa pagkalakip sang Christmas party kag tree-planting sa gingastosan, nagsabat si Del Ocampo nga ini ang wala nalakip sa ginapahanugutan sa idalom sang Confidential Fund Joint Circular No. 2015-01.
Suno diri sa Item 4, ang confidential fund ang magamit lamang sa pagbakal sang impormasyon nga kinahanglan sa pagformulate ukon pag-implementar sang programa; aktibidad kag proyekto nga importante sa national security kag peace and order; rental sang transport vehicles may kaangtanan sa confidential activities; rentals sang incidental expenses angot sa maintenance sang safehouses; pagbakal sang rental supplies, materials, kag equipment para sa confidential operations nga indi mahimo sa regular procedures nga indi mabutang sa alang-alang ang information-gathering activity; pagbayad sang rewards sa mga informers subject sa pila ka kondisyon; pag-uncover kag pagpugong sa illegal nga aktibidad nga may klaro nga peligro sa agensya, personnel, propidad ukon iban pa nga pasilidad kag resources sa idalom sang proteksyon sang ahensya, sa koordinasyon sa nagakaigo nga ahensya sang gobyerno; kag iban pa nga mahimo pahanugutan sang General Appropriations Act ukon iban nga special laws.
