Ginkumpirmar sang public information officer sang Kabankalan City nga natalana nga magpagwa sang executive order si Mayor Pedro Zayco nga nagamando sa pagdumili sa pagpatigayon sang pagtililipon kag Christmas party sa mga empleyado sang gobyerno subong man sa pag-idog sang curfew sa alas 10:00 sang gab-i tubtob alas 3:00 sang kaagahon.
Sa interview sang Bombo Radyo kay Ms. Jake Carlyne Tugbang, ginpahayag sini nga nagikan sa alas 9:00 sang gab-i tubtob alas 4:00 sang kaagahon nga curfew, nalakip sa EO nga natalana ipagwa sang alkalde ang pag-idog sini sa alas 10:00 sang gab-i tubtob alas 3:00 sang kaagahon.
Suno kay Tugbang, 26 na ka mga empleyado sang gobyerno ang positibo sa COVID humalin sang nagligad nga semana kag may patigayunon pa sila nga test.
Suno diri, tungaon sa duha ka team ang mga empleyado sang gobyerno kun sa diin natapos na ang Team B nga ginalakipan sang 141 ka mga empleyado.
Duha diri ang nagpositibo suno sa tagpamaba.
Samtang, ang Team A ang igapaidalum sa test sa Disyembre 3.
Sa karun, suno sa iya, nakawork from home ang mga empleyado nga nalakip sa Team B kag sa Huwebes, sila naman ang mabulos.
