Ginkawat ang Christmas Tree nga himo sa LED lights sa dalan Lacson sa ciudad sang Bacolod.
Sa interview sang Bombo Radyo Bacolod kay Bryan Pajalla, Christmas decoration vendor, alas 5:10 sang aga sang nakaligad nga adlaw, gin-alegar sini nga ginkawat ang isa sa mga lanterns nga iya ginabaligya.
Suno kay Pajalla, ang ginkawat nga lantern ang isa ka Christmas Tree nga himo sa LED lights kag may desinyo kaangay sang Eiffel Tower kag kun baklon ini ang ginabanta nagabili sang P18,000.
Ang Christmas Tree ang nahamtang lamang sa ginarentahan nila nga pwesto.
Ang mga vendors sang lanterns ang nagikan pa sa Pampanga kag Nueva Ecija nga nagpangayaw agud nga magbaligya sang Christmas decorations sa ciudad sang Bacolod.
May nakuha man nga CCTV footage apang wala nakuhaan ang pagkawat sang nasambitan nga Christmas lanterns.
