Ginpaliwat sang alkalde sa ciudad sang Bacolod ang Christmas Tree nga nahamtang sa Bacolod City Government Center matapos nga makakuha sang indi maayo nga feedback nagikan sa mga pumuluyo.
Suno kay Bacolod City Mayor Alfredo “Albee” Benitez nga matapos mabaton ang indi maayo nga feedback ginpaliwat niya ini sa Bacolod City Engineers Office nga ginbuligan sang Bacolod Tourism Office.
Samtang nagpain ang city government sang P5 million for Christmas decorations nga ginbutang sa anum ka key areas kasunod sang selebrasyon sang yuletide season.
Ang mga Christmas decorations ang gin-install sa public plaza, pila ka mga taytay kag mayor nga dalanon.
Ang sa karun nga dekorasyon ang gindesinyo nga mangin durable kag magamit pa para sa madason nga tuig.
Samtang ginpahayag man sang alkalde nga ang pondo sang ciudad ang ginkinot man agud nga may gamiton sa wala ginapangayo nga mga kalamidad ilabi na sa karun nga nagahingapos ang tuig.
