Ginpahayag sang Former chief legal counsel ni ex-president Rodrigo Duterte nga wala sang sense of humor ang pinuno sang Criminal Investigation and Detection Group (CIDG) nga nagfile sang reklamo batok sa anay presidente.
Nagfile sang complaint si Police Brigadier General Nicolas Torre III batok kay Duterte angot sa pagpamahog sini nga papatyon ang mga Senador agud mahatagan sang ligwa ang iya ginasuportahan nga mga kandidato sa pagkasenador.
Suno kay Torre, ang kaso nga inciting to sedition kag unlawful utterance nga may nagakaigo nga konsekwensya sa Revised Penal Code ang ginfile sa Department of Justice.
Santo sa Department of Circular, ang reklamo nga ginfile sa prosecutors ang igapaidalum sa “case build-up” antes suguran ang preliminary investigation.
Sa intervew sang Bombo Radyo kay Atty Salvador Panelo, wala sang sense ang pagpasaka sang kaso ni Torre bangod obvious nga joke lang ang statement ni Duterte.
Suno diri, bisan ang mga Senador nga ginpahog wala man nahimo nga magreklamo.
Ginpaathag ni Panelo nga ang trabaho ni Torre ang pagbaton sang complaint angot sa ginkumiter nga krimen agud maimbestigaran, apang sa bahin sa ginhambal ni Duterte wala man sang may nagreklamo kag wala man sang ginhimo nga krimen.
Pahayag sini, kun siya ang piskal, i-dismiss sini gilayon ang kaso nga wala man sang sense kag wala sang legal basis.// Mensahe sini para sa pinuno sang CIDG nga wala ini sang sense of humor.
