Ginrekomendar sang PNP-Criminal Investigation and Detection Group (CIDG) ang pagpasaka sang reklamo batok sa 11 ka mga indibidwal may kaangtanan sa pagkalumos sang duha ka Ateneo de Manila University student-athletes sang team-building activity sa Aurora bangud sa ginaalegar paglapas sa Republic Act No. 11053, ukon Anti-Hazing Act.
Ginpresentar sa isa ka press briefing ang mga ginarekomendar nga mga respondents sang CIDG nga ginkalakipan nanday, Tab Baldwin (Head coach); Grant Dearns ( strength and conditioning coach), Caesar Vincent Javellana Elumba, (strength and conditioning coach), Dean Caesar B. Castaño,( assistant coach), Sandro Nicholas Romero Soriano, (assistant coach), Reynaldo C. Jacinto Jr., (assistant coach), Paolo Manuel Maceda Adevoso, (student manager), Andrew Lorenzo Bondoc Salud, (student manager), John Eric Quiambao Rueca, (physical therapist), Aris Ramos Pronce, (utility/ball boy), Joel Palmiano Rapa, (utility/ball boy).
Suno kay Interior and Local Government Secretary Jonvic Remulla nga ang rekomendasyon ang ipasa sa Department of Justice, nga magatumod kun may yara sang probable cause kag kun ano nga mga kaso ang dapat nga ipasaka.
Suno naman kay Assistant Secretary Brian Mey R. Tomas, natukiban sang mga imbestigador nga ang mga student-athletes ang ginaalegar nga nagpaidalom sa intense physical activity, punishment training, kag sea training sang Hunyo 8.
