Nag-file sang motion for reconsideration ang Philippine National Police-Criminal Investigation and Detection Group (PNP-CIDG) sa Office of the City Prosecutor sa ciudad sang Bacolod may angot sa resolusyon nga gin-isyu ni Assistant City Prosecutor Fernand Castro sadtong Nobyembre 6 kun sa diin nagagwa nga wala sang bastante nga basehan nga kasuhan ang 31 ka mga persona nga yara sa mga opisina sang mga progresibo nga grupo sang gin-implementar ang apat ka mga search warrant sang nagligad nga Oktubre 31.
Sa interview sang Bombo Radyo Bacolod kay Lt. Cenon Pancito III, spokesperson sang Joint Task Force Negros, nagapati sila sa gihapon nga may yara sang salabton ang 31 ka mga persona nga na-abswelto.
Paathag ni Pancito, matapos nila mabaton ang kopya sang resolusyon nga ginpapanaog sang piskal, nagpatigayon sila sang evaluation kun sa diin nagagwa nga may yara sang probable cause nga kasuhan ang 31 ka mga persona.
Pananglitan nga ma-reconsider sang korte, papanaugan sang warrant of arrest ang 31 ka mga indibidwal nga una na na-abswelto.
