Ginrekomendar sang Bacolod City Legal Office kag Permits and Licensing Office nga ipasira ang Cista, isa ka ilimnan sa Barangay Mandalagan, Bacolod City.
Sa interview sang Bombo Radyo Bacolod kay Punong Barangay Paul Anieve, Huwebes sang gab-i sang nagpatigayon sang inspection ang Barangay sa amo nga ilimnan kag natukiban nga wala pa sang permit subong nga 2025.
Suno kay Anieve, wala sang business permit apang padayon nga nagaoperate.
Kinahanglan nga magpanira ang mga ini samtang wala pa ang business permit.
Kagab-i nagmato mato ang Cista bar sa pagpanira sang ila nga establishmento.
Nagpanawagan man si Anieve sa mga pumuluyo nga intsindihon lang anay sila bangud nagapatuman lamang sila sang layi.
Suno diri kinahanglan nga may business permit agud nga indi naman basol ang barangay kun ano gid man ang matabo.
Kagab-i personal man nga nagpadulong ang Punong Barangay sa lugar kun sa diin nahamtang ang bar agud nga makumpirma kun ini ang nagpanira gid man.
Ang Cista Bar, amo ang bar kun sa diin nag-umpisa ang rambol nga nagresulta sa pagbuno patay sa half-Japanese nga si Hakiru “Yuri” Legaste, 18 anyos residente sang Barangay Efegenio Lizares, Talisay City.
