Nagapadayon sa karun ang swelduhanay sang mga job order casuals sa Bacolod City Government.
Suno kay City Administrator Atty. Pacifico Maghari, maga-overtime ang mga departamento nga imbolbado sa panagtaganay sang sweldo sang mga job order casuals bwas nga adlaw tubtob sa Disyembre 31 bangud target sang ciudad nga mahatag ang sweldo sang kapin 3,500 ka mga JOs antes matapos ang tuig magluwas lamang kun may magluntad nga mga issues ukon problema sa payroll.
Samtang, ang gratuity pay naman sang mga JOs nga ginconvert sanga 25 kilos sang bugas ang igapanagtag man antes matapos ang 2022.
Suno kay Maghari, una na nga gin-eksplekar ni Bacolod City Mayor Alfredo Benitez nga pagpungko sini sa pwesto sang Hulyo, madutay na lamang ang budget.
Suno sa iya, sang ila ginkonsiderar ang kinahanglanon sang mga department heads, ila nadesisyunan nga mas maayo kun dugangan ang numero sang mga job order casuals agud mangin efficient ang city government.
Suno sa city administrator, ginprioritize sang ciudad nga imaximize ang maswelduhan nga mga JOs bangud ini ang mas kinahanglanon.
Nagapasalamat naman ini sa mga JOs bangud medyo naayawan sila sumugod sang Paskwa apang nagpasalig ini nga ginahimo gid sang gobyerno ang tanan agud sila ang maswelduhan antes matapos ang tuig.
