Matapos na subong nga adlaw ang termino ni Atty. John Orola bilang City Administrator sang Bacolod.
Sa sulat nga ginbasa ni Orola nga naka-address kay Bacolod City Mayor Evelio “Bing” Leonardia, ginpahayag sini nga luyag niya nga mag-resign sa nasambit nga posisyon agud makatutok sa iya nga duty bilang consultant sang ciudad.
Aminado si Orola nga fulfilling ang trabaho sang City Administrator apang nagapati ini nga mas madamo ang iya nga mahatag sa ciudad kun ihatag sini ang iya nga tion sa mga areas sang tourism, housing investment, job generation kag iban pa nga mga concern sang alkalde sa iya private capacity.
Nagpasalamat man ini sa alkalde kag mga city officials sa oportunidad nga ginhatag sa iya nga magserbe halin Hulyo 01, 2016.
Bwas nga adlaw, magapungko na si Orola bilang consultant sang Bacolod City samtang si anay councilor Em Legaspi Ang ang mabulos sa iya.
