Nagpanugyan ang city director sang Department of the Interior and Local Government nga respetuhon ang nangin desisyon sang Sangguniang Panlungsod angot sa suspension ni Punong Barangay Joseph Delos Santos sang Barangay 16.
Sa interview sang Bombo Radyo kay Ma. Joy Maredith Madayag, nadagdag na ang suspension order batok kay Delos Santos kag ang ginrecieve ni Delos Santos gani ini ang epektibo nga indi pa ini makabalik sa trabaho.
Ini ang kasunod sang natabo kahapon nga nagpadulong si Delos Santos sa barangay hall para magtrabaho apang yara didto nagapungko bilang punong barangay si acting Punong Barangay stella Dela Pena.
Pahayag ni Madayag kun na-confuse man si Delos Santos bangod nga wala sang pirma ni Bacolod City Mayor Alfredo Benitez ang gindagdag sa iya nga suspension, apang makonsiderar man ini nga epektibo bangod ang ginhimo sang Committee on Laws and Ordinances nga rekomendasyon ang ginpa-implementa sang Sangguniang Panlungsod.
Sa karun, si Dela Pena ang ginakilala sang city government nga punong barangay samtang tubtob sa karun wala pa man nakakonsulta si Delos Santos sa DILG.
