Nagsapol ang City Engineer’s Office kag DPWH Bacolod City Engineering District agud istoryahan ang problema sa baha sa ciudad.
Suno kay Bacolod City Mayor Alfredo Benitez, ang meeting ang ginpatigayon kahapon kag isa sa gina-update amo ang Bacolod Drainage Master Plan.
Tinutuyo sang pagsinapol suno kay Benitez nga maharmonize ang plano para malikawan ang pagbaha sa ciudad.
Suno diri, ginalantaw sang mga tiglawas nagikan sa duha ka opisina kun nagasanto ang plano sang City Engineer’s Office kag DPWH.
Nagpanindugan ang alkalde nga dapat gid nga iidentify ang ugat sang problema kun sa diin kinahanglan ang husto nga pagtuon sa pag-identify sang problema agud mahimo ang nagakaigo nga solusyon.
Nagapati naman ini nga kinahanglan sang innovation agud may bag-o nga ideya kag indi na masulit ang problema sa baha.
Ini ang kaangay na gid lamang sang pagbutang sang strainer sa lababo kun sa diin indi na magbara ang higko sa mga pipes.
