Nagahanda na ang city government sang Bacolod para sa State of the City Address ni Mayor Alfredo “Albee” Benitez sa paalabuton nga Miyerkules, Hulyo 3.
Suno kay Benitez, luyag niya nga ipabati sa pumuluyo kag sa mga investors ang direksyon sang Bacolod.
Sa Miyerkules, Hulyo 3, patigayunon ang State of the City Address (SOCA) sang alkalde kadungan sang pagselebrar una nga tuig nga pagpungko bilang alkalde sang ciudad.
Suno kay Benitez, sa SOCA, prayoridad sini nga ipresentar ang iya nahuman nga plataporma, proyekto kag programa sa sulod sang isa ka tuig kag kun ano pa ang mahimo sini sa nabilin nga termino.
Dugang pa sini, ang SOCA ang isa ka paagi agud mapakita kag mapalab-ot sa mga pumuluyo kag stakeholders ang natrabaho niya sa ciudad kag ini ang maka-ingganyo sang dugang nga investors nga mag-invest sa Bacolod City.
