Gin-abisuhan sang City Legal Officer sang ciudad sang Bacolod ang pinuno sang Bacolod Traffic Authority Office nga ibutang sa opisina sang BTAO ang mga gin-impound nga mga salakyan matapos nga gin-tow kasunod sang pagpark sa NO Parking Zones.
Suno kay Atty. Romeo Carlos Ting, Jr, wala sang question ang pagpatuman sang BTAO sang ordinansa kag dapat lang nga padayunon ini.
Apang gin-abisuhan ni Ting si Police Major Junji Liba nga ang mga gin-tow nga mga salakyan ang ibutang sa impounding area sang BTAO kag ang impounding ang kutob lang sa anum ka bulan kag kun indi makuha sang tag-iya sa sulod sang anum ka bulan, mahimo na ang mga salakyan ipaidalom sa auction sale santo sa nakasaad sa ordinansa.
Suno kay Ting, ang Memorandum of Agreement sa tunga sang ciudad sang Bacolod, Bacolod Traffic Authority Office kag accredited towing company bangud wala nastipulate sa ordinansa ang amount para sa sharing sa private towing company.
Sa karun ang ginabayad sang mga natow nga salakyan ang ginadirekta sa ciudad.
Suno kay Ting, padayunon sang BTAO ang pagpatuman sang clamping and towing ordinance sang ciudad apang dapat mahulam lang sila sang towing kag clamping equipments apang dapat sila ang napatuman sang clamping and towing agud nga indi na magtuga sang dugang nga confusions sa publiko bangud ang nasambit nga tikang isa ka police power.
