Ginpahayag sang City Legal Officer sang syudad sang Bacolod nga P16 million ang gin-aprubahan nga budget para sa pagrenovate sang City Mayor’s Office kag magahatag ang alkalde sang Bacolod sang P16 million agud nga icompensate ang gingasto sa renovation sang opisina sini.
Sa interview sang Bombo Radyo Bacolod kay Atty. Romeo Carlos Ting Jr., ang P16 million amo ang gamiton sa renovation bangud ginpaidalom na ini sa bidding kag naallocate na ang kwarta kag agud macompensate ukon maulian ang gingasto sa renovation, i-finance personal ni Bacolod City Mayor Alfredo Benitez ang iban nga mga proyekto sang syudad sa balor nga P16 million man.
Ginapalantaw pa sa karun sang alkalde sang syudad ang mga ulubrahon nga mga public toilets kag iban pa nga mga proyekto nga mahimo sini gastuhan personal sa kantidad nga P16 million.
Wala man ini sang problema suno sa city legal officer bangud kwarta ini sang alkalde kag nakadepende diri kun paano ini gastuhon.
