Ginpasalig sang City Mayor’s Office nga maswelduhan ang mga staff sa Lying-in and Birthing Home sang Bacolod nga nagatrabaho paagi sa Contract of Service.
Una diri, nagreklamo sa Bombo Radyo ang 26 ka Contract of Service Workers nga apektado kag wala naswelduhan sa sulod sang tatlo ka bulan bangud indi man nila malab-ot si Mayor Alfredo Benitez.
Ang 26 ka Contract of Service Workers ang ginalakipan sang 14 ka nurse kag 12 ka midwife kag suno sa iya, madamo na sila sang utang kag wala na sang galastuhon para sa ila nga pagkaon.
Sa interview sang Bombo Radyo kay Secretary to the Mayor Atty. Joseph Chiu, naghingyo ini sang pasaylo sa delay.
Apang iya ginklaro nga June 27 nag-abot sa Office of the Mayor ang kopya sang Contract of Service para sa June to August 2023.
Bilang kabahin sang proseso, nagkuha sila sang legal opinion sang June 29 kag nagsecure sang availability of funds.
Sang July 24, nakuha nila ang legal opinion kag sang July 27, ginpasulod sa Sangguniang Panlungsod ang Contract of Service nga naaprubahan man sang Agusto 1.
Ang Contract of Service ang pirmado na ni Benitez kag naratify naman sang Sangguniang Panlungsod kag ginahulat nalang ang resolusyon angot diri.
Magaistorya naman sila sa mga department heads agud makahimo sang paagi nga mas mapadasig pa gid ang pagbaton nila sang sweldo bangud appropriated naman ang pondo para diri.
Santo sa proposed Contract of Service, nagsugod June 1, 2023 tubtub August 31, 2023 ang ila nga serbisyo nga pagaswelduhan
