Magapatigayon sang intra-provincial border control ang City Veterinary Office sang Cadiz City matapos ang kaso sang hog cholera sa probinsya.
Suno kay Cadiz City Veterinarian Dr. Joshua Arabang, may 30 ka mga nayon nga ginapanag-iyahan sang ciudad nga nagkalamatay bangud sa hog cholera.
Suno sa iya, may report man nga nabaton nga may mga hog raisers nga naapektuhan sa nasambit nga balatian.
Suno kay Arabang, nagpagwa sang advisory si Governor Eugenio Jose “Bong” Lacson nga magpatigayon sang intra-provincial border control agud mapunggan ang pagsulod sang balatian sa slaughterhouse kag sini nga semana, sila ang magameeting tuhoy sa execution sini.
Una na nga gin-athag ni Dr. Placida Lemana, pinuno sang Provincial Veterinary Office nga indi African Swine Fever kundi hog cholera ang rason kun ngaa may mga baboy nga nagkalamatay sa probinsya bangud sa balatian.
Ini santo sa resulta sang test sa mga samples sang nagkalamatay nga mga baboy sa probinsya.
Suno kay Abarang, maayo na lamang bangud may yara sang bakuna batok sa hog cholera kag sa karun, sila ang nagabakuna sa mga backyard hogs.
