Padayon nga nagapakig-angot ang Department of Social Welfare and Development- Negros Island Region sa City Welfare and Development Office sang Silay City sa paghatag sang assistance sa pamilya Bornales.
Sa interview sang Bombo Radyo kay Soraya Leda, Silay City Social Welfare and Development Officer, ang social worker nga na-assign sa Barangay E.Lopez padayon nga nagakoordinar sa pamilya sang mga biktima.
Suno diri, nagapakig-angot man ang DSWD NIR sa mahimo nga mabulig sa pamilya sa pagpa-ospital sang 15 anyos nga babayi kag 4 anyos nga lalaki kasubong man sa pagpalubong sa 9 anyos nga babayi nga napatay.
Nagtawag na sila sa iloy sang mga biktima apang wala pa ini sang oras nga magpadulong sa ila opisina samtang nagabantay pa ini sa duha niya ka bata sa ospital kag nagahikutar sa pagpalubong sa napatay niya nga bata.
Panugyan ni Leda sa mga ginikanan nga indi pagbayaan ang mga bata nga sila lang kag indi sila pag-isalig sa iban.
