Gindeklarar nga insurgency free ang Bacolod City nga wala sang may namonitor nga presensya ukon giho sang terorista sa siyudad.
Suno kay Police Brigadier General Archival Macala, Officer in Charge sang Police Regional Office 6, nagapabilin nga matawhay kag wala sang presenysa sang Communist Terrorist Group sa siyudad.
Suno diri, padayon ang ila nga collective effort sa pagpabakod sa depensa sang militar batok sa CTGs nga suno diri nangin masanyog ang ila mga tactics kag nakuha nga mga impormasyon.
Dugang pa niya, dapat nga may yara sang advance thinking ang mga uniformed personnel agud mahatagan sang nagaka-igo nga tikang ang mga insidente angot sa mga terrorista.
Samtang, suno kay Bacolod City Administrator Atty. Pacifico Maghari, ang pagpirma sang siyudad sang Memorandum of Agreement nga Zero insurgency ang Bacolod City, isa ka pamaagi nga mangin super city ang siyudad.
Suno diri, ang MOA ang kabahin sang kampanya sang Armed Forces of the Philippines kag Philippine Coast Guard nga prayoridad ang Peace and Order sang siyudad.
Ini man makahatag sang kasiguraduhan sa publiko nga may yara sang katawhayan ang pagpuyo kag pagtinir sa Bacolod.
Dugang pa niya, kun may yara sang safety ang siyudad mas madamo sang mga investors kag turista ang ma-ingganyo nga magsulod diri.
Kasubong man nga sa deklarasyon nga zero insurgency makapanubo ini sa kabalaka sang mga residente sa mga krimen kag kapintasan.
