Preparado na ang syudad sang Bacolod para sa selebrasyon sang Bacolaodiat Festival 2023 nga pagahiwaton sa maabot nga Enero 20 tubtob 23.
Suno kay Jennifer Gochangco-Ong, board of director sa Bacolaodiat Festival Incorporated, nag-umpisa na sila sang pagpamutang sang mga dekorasyon sa pila ka mga venues sa syudad kaangay sang lanterns para sa pagsugata sa Lunar New Year.
Paathag ni Ong nga indi na Chinese New Year ang tawag sa selebrasyon sa karun kundi Lunar New Year bangod kalakip man sa nagakilala sa Lunar Calendar ang mga indi chinese speaking regions kaangay sang Korea.
Ang una nga adlaw sang Year of the Water Rabbit ang kadungan naman sa ika-22 sang Enero sa English Calendar.
Sa Enero 20, magapatigayon sang parade samtang sa Sabado naman ang New Year’s Eve.
Ang parade ang maga-umpisa sa Upper East tubtob sa Bacolod City Government Center.
May mga aktibidad man nga patigayunon sa Chinese temple sa Burgos Street.
Ini na ang ika-18 nga tuig sang selebrasyon sang Bacolaodiat festival sa syudad sang Bacolod.
Indi kaangay sa nakaandan nga sa Lacson Street ginapatigayon ang festival, ini ang ginsaylo Upper East bangod mas matawhay ang lugar kag indi na magakinahanglan sang major rerouting indi kaangay kun isarado ang dalan Lacson.
Ang Bacoloadiat ang isa ka cultural festival kun sa diin mangin highlight sini ang street dance competition nga pasakupan sang lima ka grupo nga magasuksok sang Chinese costumes kag magasaot sa Bacolaodiat theme song.
Ang mga grupo ang makigbahin man sa parade apang wala sang pagsaot kag magasaot lamang sa aktwal nga kompetisyon sa Sabado.
Samtang sa Dominggo, patigayunon ang announcement sang winners.
Paathag ni Ong nga apat ang venue sang Bacolaodiat festival nga ginalakipan sang Upper East kun sa diin makita ang mga food stalls, emperial village nga mahimo malagawan sang pamilya kag makatuon sang Chinese culture kasubong man music feast sa gab-i; Bacolod City Government Center, nga mangin venue para sa cultural show, kun sa diin yara ang stage nga mangin performance arena, zumba, dog show kag rabbit petting place.
Mahimo naman makigbahin sa prayers kag ringing of bells sa Lunar New Year’s Eve sa Chinese temple.
Kag may-ara man sang pila ka mga aktibidad sa SM City Bacolod.
May-ara naman sang fireworks display sa Bacolod City Government Center kag Upper East sa New Year’s Eve.
