Magapabilin ang Bacolod City, Negros Occidental, Aklan, Antique, Iloilo City, Iloilo kag Guimaras sa Alert Level 3 sumugod sa Pebrero 1 tubtob 15, 2022 may kaangtanan sa COVID .
Ginpahayag ni acting Presidential Spokesperson Karlo Nograles, panubuan ang restriksyon sa Metro Manila karun nga ang National Capital Region (NCR) ang ipaidalum na sa Alert Level 2 humalin sa Pebrero 1 tubtob 15.
Ginpanubuan naman sang Inter-Agency Task Force (IATF) sa Alert Level 2 ang probinsya sang Batanes, Bulacan, Cavite, Rizal, Biliran, Southern Leyte kag Basilan.
Madumduman nga binulan man nga ginpaidalum sa Alert Level 3 ang Metro Manila bangod sa pagsaka sang COVID-19 cases sang late December nga tuga sang mas makalalatun nga Omicron variant.
Una na nga nagpahayag ang Department of Health (DOH) nga ang peak sang surge sa Metro Manila ang natabo sang mid-January.
Sang Biyernes, ang NCR ang ginclassify na nga “moderate risk” sa COVID-19.
Ang mga restriksyon ang magatake-effect tubtob sa Pebrero 15, magluwas nalang kun ini ang iga-extend ukon batakun sang gobyerno.
Ginpahayag man ni Nograles nga ang alert level para sa Ifugao ang nagapabilin nga pending ang approval sa IATF kag ini ang malauman nga maanunsyar subong nga adlaw.
