Ciudad sang Bacolod, magahulat pa sang dugang nga COVID vaccines para sa mga kabataan

Ginkompirmar sang executive director sang Bacolod Emergency Operations Center (EOC) nga naumpisahan na sang syudad sang ila nga vaccination sa 5-11 years old sa tatlo ka mall sa syudad.

Sa interview sang Bombo Radyo Bacolod kay Em Ang, nagpatigayon ang syudad sang pagbakuna sa Ayala, Robinsons kag SM Mall.

Suno kay Ang, 100 ka mga kabataan ang target nga mabakunahan sa kada mall.

Suno diri subong nga adlaw ang last day sang pagbakuna bangud manug-ubos na ang Pfizer vaccines kag magahulat naman sang maabot nga bakuna sa syudad.

Nahibaluan nga 10,000 doses ang nag-abot nga bakuna sa syudad kag 5,000 ka mga kabataan ang mabakunahan.