Natalana nga magpapanaog ang alkalde sang syudad sang Bacolod sang executive order agud magtukod sang Task Force kontra Colorum Tricycle.
Sa press conference, ginpahayag ni Bacolod City Mayor Alfredo Benitez nga nagdangat sa 6,000 tubtob 7,000 ang mga colorum nga tricycle sa syudad sang Bacolod.
Ini naman ang nahisugtan sang syudad paagi sa alkalde kag sa meeting kaupod ang Central Area Tricycle Operators and Drivers Association (CAFTODA).
Sa Bacolod may yara sang 82 ka association sang mga tricycle drivers sa Bacolod.
Makabulig ni nga magpahagan-hagan sang aton problema sa trapiko.
Ginalantaw ni Benitez nga ang mga colorum ang kuhaon nalang sang syudad agud nga magkolekta sang basura sa mga ilabi na sa mga magagmay nga Puroks agud indi na sila madulaan sang palangitan-an.
Dugang pa sa alkalde kun dakpon ang mga colorum magapadulong naman ang mga ini sa syudad agud magpangayo sang bulig gani mas maayo nga kuhaon nalang sang syudad agud nga magbulig para sa pagkolekta sang basura sa syudad sang Bacolod.
