Ginapreparahan na sang ciudad sang Bacolod ang tikang sa pagpahagan-hagan sa epekto sang El Niño kag La Niña.
Nagpatigayon kahapon sang coordination meeting ang Bacolod City Government kaupod ang mga concerned department heads kag mga opisina may kaangtanan sa pag address sang El Niño Southern Oscillation (ENSO) cycle.
Suno kay Bacolod City Mayor Alfredo Albee Benitez, nakapreparar na ang ciudad sang mga tikang sa pagpahagan-hagan sang epekto sang El Niño kaangay sang water shortage kag health issues.
Plano sa karun sang ciudad nga magprocure sang firetruck agud makabulig sa paghatag sang tubig sa mga pumuluyo kag pagrasyon sang supply sang tubig.
Sa karun, bangod sa tuman ka init nga tiyempo suspendido sa gihapon ang face to face nga klase sa pampubliko nga buluthuan humalin sa preschool tubtob sa Senior highschool.
Apang, suno kay Benitez indi pa matumod kun tubtob san-o ang suspension sang face to face class bangod nga nagasandig ini sa forecast sang PAG-ASA.
Samtang, ginapreparahan man ang mangin epekto sang La Niña kaangay na lamang sang pagbaha kag sakit nga makuha sa tion sang tig-ululan.
