Nagbisita si Bacolod City Mayor Alfredo ‘Albee’ Benitez sa banwa sang La Castellana kahapon para magdul-ong sang bulig sa mga biktima sang Mt Kanlaon eruption.
Naghatag ini sang bulig nga nagabalor sang P1 million nga food kag non-food relief assistance.
Ini ang ginalakipan sang 25 ka sako sang bugas, 620 ka hygiene kits, 500 ka mga habol, tuwalya kag mosquito net, blue water jag container kag 26,000 liters sang domestic water, mga canned goods, kag facemasks kag duha ka water tanker nga ginbilin didto para magdistribute sang tubig sa barangay.
Kasubong man nga naghatag sang P100,000 nga bulig si Victorias City Mayor Javi Benitez.
Samtang, lauman naman sa masunod nga semana ang pagbisita ni House Speaker Martin Romualdez sa mga apektado sang paglupok sang bulkan Kanlaon.
