Nagpanguna ang division of Bacolod sa nagtakop na nga Provincial Meet 2024.
Kahapon, ginpatigayon ang closing ceremony kag nangin madinalag-on sa may pinakamadamo nga bulawan nga medalya amo ang Bacolod Division.
Sa interview sang Bombo Radyo kay Anthony Liobet, School Division Superintendent- Negros Occidental, nangin succesful ang kabilogan nga pagpatigayon sang Provincial Meet 2024.
Suno diri, wala sang bisan ano man nga major incidents nga nagluntad, apang ang mga minor incidents naman ang lunsay tuga sang mainit nga tiyempo nga gilayon man narespondehan.
Ginpasalamatan man sini ang tanan nga nagsuporta kag nagkoodinar agud matigayon ang Provincial Meet.
Samtang, ang mga nagdaog naman ang mangin representative sang probinsya para sa Regional Meet 2024 nga patigayunon sa Mayo 2 tubtob Mayo 10, diri sa probinsya sang Negros Occidental.
