Nagpatigayon sang Pre Health Summit ang ciudad sang Bacolod agud ma-address ang health concerns sa ciudad.
Suno kay Dr. Eric Saratan, ang special advisor on health, nagpartisipar sa summit ang mga doctor, clinical instructors kag iban pa agud madikusyunan ang mahimo nga mga solusyon kaangay na lamang sang kakulangan sang nurses, facility room kag hospital beds, kasubong man sang kabudlayan sa pagtransfer sang pasyente gikan sa pribado padulong sa pampubliko nga ospital kag problema sa balayran sa ospital.
Suno kay Saratan, ang Pre Health Summit ang ginpatigayon kasunod sang luyag ni Bacolod City Mayor Alfredo Albee Benitez nga mangin mataas ang kalidad sang health program sa ciudad.
Samtang, ginaplano man sa karun ang pagtukod sang Primary Health Care Centers nga kaangay sang isa ka imporvised clinic nga ihamtang sa apat ka barangay sa ciudad.
