-- ADVERTISEMENT --
Ginkansela ang klase kag trabaho sa gobyerno sa Cadiz City subong nga adlaw matapos nga ginapaidalum sa signal no. 1 ang ciudad.
Sa interview sang Bombo Radyo Bacolod kay Cadiz City Mayor Salvador Bading Escalante, kanselado ang klase sa tanan nga lebel sa pampubliko kag pribado nga buluthuan sa ciudad kasubong man nga wala sang trabaho sa government offices.
Suno diri, lima ka mga brgy sa ciudad ang nag-eksperyensya sang pagbaha kag ginpa-evacuate na ang mga residente.
Maeksperyensyahan sa cuidad ang pag-ulan kag mabaskog nga huyop sang hangin.
Kanselado man ang byahe sa baybayon kag panugyan sang alkalde sa mga pumuluyo nga mahimo makig-angot sa mga ahensya sang gobyerno kun nagakinahanglan sang bulig agud nga marespondehan sang gilayon.
-- ADVERTISEMENT --
